السلام عليكم ورحمة الله وبركاته
فى دايما سؤال محيرنى .. هو الواحد بيكتب المدونات دى ليه؟ .. ياترى بيكتبها لنفسه .. كده تبقى يوميات .. والا بنكتبها علشان اصحابنا .. علشان نحكى ونقولهم احنا بنعمل وبنفكر فى ايه؟؟؟
سؤال حائر بلا اجابة ...
البداية اكيد صعبة ... زيها زى أى حاجة ثانية ممكن الواحد يعملها .. بس الاكيد لازم تكون شئ مبهج والا ليه التعب ده كله ..
احترت فى اسم المدونة ايه ... سألت اصحابى ... اتفقوا ان يختاروا الاسم بالاغلبية ... وقد كان "عبقرينو"
